#BFARTrainings | Pipila ka indibidwal, estudyante, ug barangay technicians sa Monkayo, Davao de Oro ang mipahigayon ug duha ka adlaw nga hands-on training sa grow-out culture ug pagdumala sa tilapia sa freshwater fishponds, uban ang financial education, gikan Abril 23-24, 2024.

Ang maong pagbansay gipahigayon sa Provincial Fisheries Office sa Davao de Oro aron mapalambo ang kahibalo ug kasanayan sa pagpadako ug pagdumala sa tilapia, nga makatabang sa paghatag og dugang oportunidad sa panginabuhian sa mga interesadong indibidwal o grupo.

Kapin 30 ka mga partisipante ang miapil sa maong pagbansay, lakip ang 16 ka miyembro sa San Jose Drivers Association, 14 ka graduating students sa Monkayo College of Arts, Sciences and Technology, ug mga barangay technicians gikan sa Barangays Poblacion, Salvacion, ug Casoon.

Gilangkob sa training ang pag-andam sa punong, saktong kadaghanon sa isda nga ibutang (stocking density), pagpakaon, ug pagdumala sa kahimsog sa isda.

Nagpahigayon usab ug financial education pinaagi sa dula nga “Fish N’ Learn,” diin gitudlo unsaon pag-budget sa gasto, ug basic accounting para sa negosyo ug sa kaugalingon nga kinabuhi.

Ang maong kalihokan regular nga ginahimo sa BFAR XI aron maghatag og oportunidad nga makatabang sa panginabuhian ug pagpalig-on sa sektor sa pangisdaan.

via | PFO Davao de Oro