#BFARTrainings | Baynte singko ka bangus garungan growers sa Carmen, Davao del Norte, gipailawom sa tulo-ka-adlaw nga training on Bangus Garungan Management and Production ug Financial Education gikan Abril 24-26, 2024.

Sa unang adlaw, nagpahigayon ug financial education pinaagi sa dula nga “Fish N’ Learn,” diin ang mga partisipante gitudluan unsaon pag-budget sa kwarta para sa kalampusan sa negosyo ug sa kaugalingon nga kinabuhi. Mibisita usab sila sa usa ka punongan aron makita ang lain-laing pamaagi ug maayong sistema nga mahimo nilang magamit sa pagdumala sa ilang kaugalingong punong.

Sa ikaduhang adlaw, ang pagbansay nakatutok sa saktong pagpadako sa bangus, tamang pagpakaon, ug husto nga pagdumala sa punong. Kini naghatag ug sakto nga giya para sa mas produktibo ug sustenableng produksiyon sa ilang bangus garungan.

Ang maong kalihokan gipahigayon sa pakigtambayayong sa Provincial Fisheries Office sa Davao del Norte, uban ni Mr. Romel Davad gikan sa BFAR National Mariculture Center ingon nga resource speaker.

via | PFO Davao del Norte